الحمد لله علي كل حال .... ربنا يستر
طبعا الجملتين دول فضلو في دماغي طول اليوم وانا في الكليه , حتي لما كلمتني مريم في الموبايل
مريم : انت فين ؟؟!!
انا : في الكليه .
مريم : يا سلام ... معاك مين ؟؟
انا : احمد
مريم : انت بتستهبل !! ... احمد مين ؟؟
انا : احمد فوزي
واضح لسيادتكم عزيزي القارئ من خلال متابعتكم للحلقات وخبرتكم باسلوب كلامي مدي البرود اللي انا برد بيه عليها ومدي العصبيه اللي هي بتتكلم بيها
بس هعمل ايه انا بس عمال افكر في اللي هيحصل في البيت
مريم : انا عايزه اشوفك حالا
انا : حالا !! فين ؟؟
مريم : في اي مكان انا دلوات في الكليه ... تعالي
انا : ورايا حاجات في الكليه لازم اخلصها
مريم : كده !! ... طيب انت حر واشبع بالبنات اللي معاك
انا : بنات مين يا مجنو........ الو ...الو .... مريم !!
قفلت السكه بيني وبينكم بعدين وانا مع نفسي وبفكر في اللي حصل لو انا مكانها وبتكلمني بالاسلوب ده دانا هولع فيها وفي التليفون وفي نفسي
خلصت الكليه ركبت ميكروباص والسواق مشغل اغاني عجيبه وسايق بسرعه
انا : بر احه يا اسطي معاك ارواح
رد عليا بصوته اللي رعبني
هو : اللي خايف ينزل ياجدعان
انا : مش موضوع خوف بس يعني الدنيا مش هتطير
اف وبصلي كده وقال ما تهدي بقي يا ابني انت ولم نفســ.....
لسه مخلصش الكلمه ولزق في الرصيف والميكروباص كان هيتقلب بينا الحمد لله دا محصلش
وانا نازل احسن يا اسطي اشرب
هو: غور يلا يا ابن التيييييييييييييييييت
المهم ركبت واحد تاني كان فاضي المهم مشغل عمرو دياب ومنير وبيغني معاهم انا راكب جنبه استغربت
انا : يا سلام والله انت معلم
هو : خير يا استاس
بيني وبينكم اتقفلت قفله سواد بس معلش اهو احسن من غيره
انا : هو حضرتك سواق ... متأكد يعني ؟؟!!
بصلي وضحك من غير رد
وعند اول ملف وسواق تاكسي بيعدي ادامو والسواق قام مطلع نص جسمه من الشباك
: دانتا سواق تيييييييييييييييييييت
رحت باصص ليه دلوات اتاكدت انك سواق يا كبير
نزلني بقي انا وصلت
وصلت شارعنا وطالع علي البيت وعمال اقدم رجل واخر رجل عارف المصير الاسود اللي مستنيني
فتحت الباب ودخلت عملت نفي مستعجل عايز ادخل الحمام وجريت علي طول ابويا في الصاله
بابا : انت شرفت
انا : سلام عليكم عملين ايه.... ثواني ..
وجريت علي الحمام .. وسامع ابويا .. اه طبعا لازم تجري علي جوا ماهو الكيف بقي بيذل .. حبكت يعني تولع سجاره دلوات
ماما : سجاره ايه !!!
بابا : ابنك يا هانم بيشرب زفت علي دماغه ودماغ اللي خلفوه ومش بعيد يكون بيتعاطي حاجه
ماما : يا نهار اسود ... استغفر الله العظيم يا رب...ليه كده يا ابني احنا عملنالك ايه بس
بابا : ادي اخر دلعك فيه
ماما : اهه عندك اتصرف معاه
ياااااااااه ديما ماما ليها مواقف لا تنسي عمرها ما اتخلت عني
المهم خرجت من الحمام
يا بابا والله مش بشرب ولا سجاير ولا اي حاجه تانيه واصلا ريحتها مش بتريحني
بابا : لا والله امال ايه اللي انا شوفتو الصبح ده
انا : طييب انزل اسال عم جاي مين كان بيدخن ...دا احمد والله
بابا : وانت ايه ... معقول ماشي معاه كده مفيش نفس كده ولا حجر كده
انا : يابابا نفس ايه بس هو انا بتعلم الغوص يا حج والله ريحتها بتخنقني
بابا : انت كمان بتهزر ... طيب ادخل جوا مش عايز اشوف وشك انهارده خالص
انا : ليه بس !!
بابا : اهه كده وخلاص وشك بيعصبني
انا : حاضر ...
يااااااااه لو الواحد يعرف انها هتصفي علي كده مكنش شغل باله طول النهار
يا لهوي دانا بوظت الدنيا مع مريم علشان الموضوع ده وفي الاخر يطلع كده
طلعت من الاوضه : بابا ما تتخانق معايا
بابا : غور يلا من وشي بدل ما اضربك بالجزمه
انا : حاضر !!
ايه ده انا اتجننت ... دلوات ادامي مصيبه تانيه مش عارف هعمل ايه مع مريم ربنا يستر
طبعا الجملتين دول فضلو في دماغي طول اليوم وانا في الكليه , حتي لما كلمتني مريم في الموبايل
مريم : انت فين ؟؟!!
انا : في الكليه .
مريم : يا سلام ... معاك مين ؟؟
انا : احمد
مريم : انت بتستهبل !! ... احمد مين ؟؟
انا : احمد فوزي
واضح لسيادتكم عزيزي القارئ من خلال متابعتكم للحلقات وخبرتكم باسلوب كلامي مدي البرود اللي انا برد بيه عليها ومدي العصبيه اللي هي بتتكلم بيها
بس هعمل ايه انا بس عمال افكر في اللي هيحصل في البيت
مريم : انا عايزه اشوفك حالا
انا : حالا !! فين ؟؟
مريم : في اي مكان انا دلوات في الكليه ... تعالي
انا : ورايا حاجات في الكليه لازم اخلصها
مريم : كده !! ... طيب انت حر واشبع بالبنات اللي معاك
انا : بنات مين يا مجنو........ الو ...الو .... مريم !!
قفلت السكه بيني وبينكم بعدين وانا مع نفسي وبفكر في اللي حصل لو انا مكانها وبتكلمني بالاسلوب ده دانا هولع فيها وفي التليفون وفي نفسي
خلصت الكليه ركبت ميكروباص والسواق مشغل اغاني عجيبه وسايق بسرعه
انا : بر احه يا اسطي معاك ارواح
رد عليا بصوته اللي رعبني
هو : اللي خايف ينزل ياجدعان
انا : مش موضوع خوف بس يعني الدنيا مش هتطير
اف وبصلي كده وقال ما تهدي بقي يا ابني انت ولم نفســ.....
لسه مخلصش الكلمه ولزق في الرصيف والميكروباص كان هيتقلب بينا الحمد لله دا محصلش
وانا نازل احسن يا اسطي اشرب
هو: غور يلا يا ابن التيييييييييييييييييت
المهم ركبت واحد تاني كان فاضي المهم مشغل عمرو دياب ومنير وبيغني معاهم انا راكب جنبه استغربت
انا : يا سلام والله انت معلم
هو : خير يا استاس
بيني وبينكم اتقفلت قفله سواد بس معلش اهو احسن من غيره
انا : هو حضرتك سواق ... متأكد يعني ؟؟!!
بصلي وضحك من غير رد
وعند اول ملف وسواق تاكسي بيعدي ادامو والسواق قام مطلع نص جسمه من الشباك
: دانتا سواق تيييييييييييييييييييت
رحت باصص ليه دلوات اتاكدت انك سواق يا كبير
نزلني بقي انا وصلت
وصلت شارعنا وطالع علي البيت وعمال اقدم رجل واخر رجل عارف المصير الاسود اللي مستنيني
فتحت الباب ودخلت عملت نفي مستعجل عايز ادخل الحمام وجريت علي طول ابويا في الصاله
بابا : انت شرفت
انا : سلام عليكم عملين ايه.... ثواني ..
وجريت علي الحمام .. وسامع ابويا .. اه طبعا لازم تجري علي جوا ماهو الكيف بقي بيذل .. حبكت يعني تولع سجاره دلوات
ماما : سجاره ايه !!!
بابا : ابنك يا هانم بيشرب زفت علي دماغه ودماغ اللي خلفوه ومش بعيد يكون بيتعاطي حاجه
ماما : يا نهار اسود ... استغفر الله العظيم يا رب...ليه كده يا ابني احنا عملنالك ايه بس
بابا : ادي اخر دلعك فيه
ماما : اهه عندك اتصرف معاه
ياااااااااه ديما ماما ليها مواقف لا تنسي عمرها ما اتخلت عني
المهم خرجت من الحمام
يا بابا والله مش بشرب ولا سجاير ولا اي حاجه تانيه واصلا ريحتها مش بتريحني
بابا : لا والله امال ايه اللي انا شوفتو الصبح ده
انا : طييب انزل اسال عم جاي مين كان بيدخن ...دا احمد والله
بابا : وانت ايه ... معقول ماشي معاه كده مفيش نفس كده ولا حجر كده
انا : يابابا نفس ايه بس هو انا بتعلم الغوص يا حج والله ريحتها بتخنقني
بابا : انت كمان بتهزر ... طيب ادخل جوا مش عايز اشوف وشك انهارده خالص
انا : ليه بس !!
بابا : اهه كده وخلاص وشك بيعصبني
انا : حاضر ...
يااااااااه لو الواحد يعرف انها هتصفي علي كده مكنش شغل باله طول النهار
يا لهوي دانا بوظت الدنيا مع مريم علشان الموضوع ده وفي الاخر يطلع كده
طلعت من الاوضه : بابا ما تتخانق معايا
بابا : غور يلا من وشي بدل ما اضربك بالجزمه
انا : حاضر !!
ايه ده انا اتجننت ... دلوات ادامي مصيبه تانيه مش عارف هعمل ايه مع مريم ربنا يستر
ههههههه متعة والله الحكاية يا حامد و استلقى وعدك يا سيدي من مريووومة :p:p
ردحذفتسلم الأيادي