افكار تودي في داهيه :)

مش هكتب مقدمه ندخل في الموضوع علي طول :)
  
اولا : المقدمه :P 
..................................... :P 

ثانياً: ارشادات القراءه
 

يمتنع اصحاب الفكر المتحجر ويمتنع كل من يري نفسه الصح دائما ويمتنع دخول اصحاب القلوب الضعيفه من عبدة الاوهام  ويمتنع الناس اللي بتحكم علي الجواب من عنوانه ويمتنع المتسرعون والاغبياء والحمقي ومدرسين اللغه العربيه :D ( عشان المقال مليان اخطاء لغويه )

عمركم شوفتو واحد يمنع ( كل ) الناس تقرأ كلامه :P :P

 اليوم نود تصحيح بعض الامور المختلطه عند بعضنا  :

الحقيقه الاولي  : المصريين مش هم الفراعنه وعشان محدش يقولك دا قرأ البحث بتاع قوم عاد والكلام اللي زي الفل ده اصبر شويه يا عم المثقف الموضوع  كبير انا اقصد ان المصريين مش عشان اتورثو  الارض اللي كان فيها الفراعنه  يبقي كمان اتورثو انجازاتهم فهمت دلوات قصدي لو مفهمتش هبسطهالك .... في ناس بيقولو ان الفراعنه هم اللي بنو الهرم وناس تانيين بيقولو ان قوم عاد هم اللي بنو الهرم احنا بقي ناس تالتين ولا تبع الفراعنه ولا قوم عاد بالتالي عيب ننسب الانجازات بتاعت الفراعنه او قوم عاد لنفسنا وحتي لو فرضنا انه عشان احنا اللي لحقنا الارض في حالة قوم عاد  او احنا اللي ولادهم في حالة الفراعنه دا مش دليل ماهو  اللي عايشين وسطنا في منهم احفاد صلاح الدين اللي ربنا كرمو وحرر الاقصي ورغم ان الناس دي عايشين وسطنا الا ان الاقصي ما زال محتل :(   :(

لو انت اتحملت الكارثه اللي اتقالت في الحقيقه الاولي فانت الان مؤهل لتلقي الصدمه التانيه :D

الحقيقه التانيه : ساكنو الدول العربيه مش ابناء النبي ولا الصحابه ولا حتي حصلو ولاد الكفار اللي كانو عايشين ايام الرسول .. استني يا نجم بلاش تسرع انا مقصدش غير الاهانه والتهزيق والله اعلم بالنوايا :P ... ماهو فكر معايا كده بزمتك يا اخي وراضي ضميرك الرسول او الصحابه كانو يرضو باللي بيحصل مننا الايام دي من المنكر والفجور طيب بلاش نتكلم عن الفجور ولا المنكر 
بزمتك الكفار كانو يقبلو ان قبيله اختهم كده يعتدي عليها ( زي فلسطين والعراق وافغانستان .... ) وهم واقفين يتفرجو
عرفت انه حتي احنا اخلاقنا محصلتش اخلاق الكفار اللي كانو زمان :P 

لو انت مستحمل لحد هنا اشكرك انك مديني فرصتي للنهايه :) :)

الحقيقه التالته : مكنتش ممكن اتكلم عنها لولا اني سمعتها من واحد عزيز عليا وكان نص كلامه ( الاسلام لو مش حق مكنش هينتشر) لو انت مش مؤيد للجمله دي اقدر اقولك انزل هنا لان الكلام الباقي مش هيختلف كتير عن اللي في دماغك لكن لو انت مؤيد للجمله دي لا اتفضل كمل قرايه :) :) 
اولا اسباب انتشار الاسلام كتيير اوي الحمد لله (مش مجالنا اننا نحكي عنها هنا )  بس مش منها انه عشان حق لان احنا في عالم فيه من الخير ما فيه من الشر بالتالي سواء كانت الفكره خير او شر ستجد من يؤيدها بدليل انتشار الالحاد وانتشار المسيحيه واليهوديه والجمعيات الخيريه وصالات الرقص والقمار وكلها اشياء منها الجيد والسئ ولكن الكل ينتشر اتمني تكون فهمت قصدي ووصلت لوجهة نظري 

حمد لله علي السلامه اتفضلو انزلو هنا اللي هيسيب تعليق يتفضل واللي هيعمل نشر يتفضل واللي هيمشي من غير اي حاجه خالص يتفضل :) :) 


                                                                                                        لــ حامد عمر