منذ فتره ليست اقل من 3 سنوات وانا اتسائل لماذا لا يكون التعامل بالجنيه لكن في وجود شروط منها تواجد احتياطي من العمله الاجنبيه يكفي كافه واردات مصر لمده عامين علي الاقل وذلك ما ليس متاح حاليا
زياده مطبوعات مصر من العمله وهو ايضا ما ليس متاح مطلقا
لان الدول الغربيه لن تسمح لك ان تجعل لعملتك قيمه بسهوله وهم يعلمون ايضا انهم لن يتركو المرور من القناه من الاخر كده يعني هيعدو منها هيعدو منها وهم مش هيسمحولك بسهوله تلوي دراعهم بالتالي هيفرضو عليك بعض الصعوبات في الحاجات اللي انت بتستوردها منهم ساعتها بقي نبقي وصلنا لحرب النفس الطويل واللي نفسه اطول هيطلع لفوق والتاني هيغرق علشان كده قلت لازم وجود احتياطي من العمله الاجنبيه يكفينا لفتره كبيره علشان يكون نفسنا اطول لانهم اكيد مش ممكن يصبرو سنتين مثلا من غير ما البترول يروحلهم بالتالي هيضغطو عليك لمده كام شهر لكن بعدها هيستسلمو لموضوع الدفع بالجنيه وهنا بتيجي الازمه لان ساعتها هتلاقينا عمالين نرقص ونهيص ومنعرفش اننا بنأذي نفسنا ....
ليه بس يا عم الحج ما الناس استسلمو والموضوع بقي 100 فل وعشره ؟؟
هقولك لا .. لان لما الناس دي كانت بتيجي قبل كده كانت بتدفع للقناه بالدولار اللي المفروض بيروح لخزينه الدوله يعني دولار داخل لخزينه الدوله
انما لما الخواجات هيدفعو بالجنيه اكيد هيروحو يشتروح من المصارف اللي معظمها خاص مش تبع الدوله بالتالي انت عملت زياده في دخل المصارف الخاصه من العمله الخضرا ونقصت اللي بيدخل خزينه الدوله من الورق اللي بيدبح وبالتالي انت هتفضي خزينه الدوله من العمله الاجنبيه وترجع تضطر تشتري دولار من المصارف الخاصه اللي اكيد هترفع السعر لانك محتاجو وبكده الجنيه قيمته تنزل او الاختيار التاني انك تروح تشتري من الخواجات اللي هم محتاجين فلوسك يدفعوها في القناه وبالتالي سعر الجنيه مش هيزيد برضه علي افضل الظروف دا اذا منزلش يبقي انا لازم اجهز نفسي لحروب معينه حرب النفس الطويل مع الخواجات وحرب اللعب بالبيضه والحجر مع المصارف الخاصه لانك يا تستغلهم يا يستغلوك
لــ حامد عمر
ليست هناك تعليقات:
إرسال تعليق