في ليله من ذات الليالي , غير القمريه المظلمه وفي اواخر شهر ديسمبر
طبعا الاسلوب ده يوحي بأني هقابل عفريت لكن مش ده اللي هيحصل عشان ده مقال مش فيلم عربي ابيض واسود
المهم في تلك الليله ولد الراجل اللي مش فاكر اسمه
الراجل اللي مش فاكر اسمه هو الشخص الوحيد الذي يفهم كل شئ في الكون دون ان يفهم شئ ..نعم .. لا تتعجب
بالمناسبه ولكي لا يقول البعض اني عايز جنازه واشبع فيها لطم انا هتكلم علي مشكله الجاز بعد فتره طويله اظن انها كانت تتحل فيها
ونزلت الشارع وقلت لازم اسال الناس ايه رايهم في المشكله ؟؟ مانا مش هسكت بقي ..
اول لما نزلت قابلت راجل راكب عربيه مرسيدس لابس بدله وكرافته سوده وبصراحه شيك جدا قلت اساله واهو يعمل سعر للحلقه التعبانه في برنامجي اللي مش بيشوفه غير انا وامي وساعات اختي لو فاضيه
انا: لو سمحت ممكن رايك في مشكله الجاز ؟؟
هو: والله انا العربيه بتاعتي مش بتمشي بالجاز ..
انا : شكرا يا استـ..
هو : بس اكيد ممكن اقول رايي
انا بنظره خائبه :اتفضل قول رايك
هو : والله انا بشوف ان كل ده لان مصر مش بتساعد روؤس الاموال انها تشتغل ومش بتقدم تسهيلات للمستثمر الاجنبي في قطاع البترول
انا : شكرا علي راي حضرتك بس يعني والحل ايه ؟؟
هو : والله تقدر تسال وزير البترول .
انا : احم !! ايه الاحراج ده .. شكرا
وكملت مشي لحد لما قابلت واحد لابس نظاره ماركه كعب الكوبايه وشايل كتاب في ايده ولابس بلوفر صوف اكل عليه الدهر وشرب
انا : لو سمحت ممكن اخد راي حضرتك في مشكله الجاز اللي مبهدله الميكروباصات والتاكسيات والسواقين بيموتو بعض بسببها ؟؟
هو : حضرتك يعني ده منظر واحد عنده عربيه ؟؟
انا : يعني هو دا حضرتك منظر مذيع ؟؟
هو ابتسم في براءه الطفوله : والله يا رفيقي انا اري ان المشكله تكمن في تخلينا عن اشتراكيه عبد الناصر .
انا : اذا فأنت تري الحل في رجوع الفكر الاشتراكي ؟؟
هو : لا .. انا لا اري , لا اسمع , لا اتكلم .
انا : شكرا ..
وكملت وقابلت راجل لابس جلباب من النوع القصير قليلا وله وجه وقور ولحيه
انا : ممكن اسالك سؤال يا عم الشيخ .
هو: اتفضل يا ابني
انا : ايه رايك في مشكله الجاز ؟؟
هو : المشكله في البعد عن الله وعدم اتقاءه مما يوجب علينا اللعنات
انا : طيب حضرتك بتشوف حل معين للمشكله ؟؟
هو : لا ليس لدي حلول لانه ليس لدي معلومات كافيه عنه .
انا : اذا لماذا حددت المشكله وليس لديك معلومات يا عم الشيخ
هو : انصرف يا بني ورايا صلاه
انا : شكرا
وكملت مشي دخلت كافيه لقيت واحده فاتحه الفيس بوك وبتقرا خبر عن المشكله بتاعتنا قولت بس دي اللي هتجيب المفيد
انا : ممكن اسال حضرتك سؤال ؟
هي : ربنا يشفي ..
انا : اييييه اييه اللي ربنا يشفي دا برنامج محترم
هي : اتفضل اسال
انا : ايه رايك في مشكله الجاز ؟؟
هي :معرفش كتير عن المشكله بس..
انا : اوك تما..
هي: بس طبعا دا ميمنعش اني اقول رأيي ؟
انا : اتفضلي .
هي :معلش ممكن السؤال تاني ؟؟
انا : همم رايك في مشكله ال ج ا ز ؟؟
هي بابتسامه بارده جدا (( نو كومنت ))
انا : شكرا .. (انا في بالي : نعم ياختي نو كومنت طيب )
ايه بس يا ربي اللي دخلني الكليه دي وشغلني الشغلانه دي
علي العموم اقفل البرنامج وافضالك المهم كنتم مع برنامجكم المفضل
انا خلاص خلصت اقراصي .. والصداع هيفرتك راسي
المهم وصلنا اخر المقال وجه معاد السؤال :
يا ترا الراجل اللي مش فاكر اسمه يبقي مين لو عرفت الاجابه متبعتهاش ولا تتصل علي اي ارقام ومفيش ولا جوايز ولا كلام فاضي .... ببساطه لان الاجابه هي ....العبد لله.
لـ حامد عمر
طبعا الاسلوب ده يوحي بأني هقابل عفريت لكن مش ده اللي هيحصل عشان ده مقال مش فيلم عربي ابيض واسود
المهم في تلك الليله ولد الراجل اللي مش فاكر اسمه
بالمناسبه ولكي لا يقول البعض اني عايز جنازه واشبع فيها لطم انا هتكلم علي مشكله الجاز بعد فتره طويله اظن انها كانت تتحل فيها
ونزلت الشارع وقلت لازم اسال الناس ايه رايهم في المشكله ؟؟ مانا مش هسكت بقي ..
اول لما نزلت قابلت راجل راكب عربيه مرسيدس لابس بدله وكرافته سوده وبصراحه شيك جدا قلت اساله واهو يعمل سعر للحلقه التعبانه في برنامجي اللي مش بيشوفه غير انا وامي وساعات اختي لو فاضيه
انا: لو سمحت ممكن رايك في مشكله الجاز ؟؟
هو: والله انا العربيه بتاعتي مش بتمشي بالجاز ..
انا : شكرا يا استـ..
هو : بس اكيد ممكن اقول رايي
انا بنظره خائبه :اتفضل قول رايك
هو : والله انا بشوف ان كل ده لان مصر مش بتساعد روؤس الاموال انها تشتغل ومش بتقدم تسهيلات للمستثمر الاجنبي في قطاع البترول
انا : شكرا علي راي حضرتك بس يعني والحل ايه ؟؟
هو : والله تقدر تسال وزير البترول .
انا : احم !! ايه الاحراج ده .. شكرا
وكملت مشي لحد لما قابلت واحد لابس نظاره ماركه كعب الكوبايه وشايل كتاب في ايده ولابس بلوفر صوف اكل عليه الدهر وشرب
انا : لو سمحت ممكن اخد راي حضرتك في مشكله الجاز اللي مبهدله الميكروباصات والتاكسيات والسواقين بيموتو بعض بسببها ؟؟
هو : حضرتك يعني ده منظر واحد عنده عربيه ؟؟
انا : يعني هو دا حضرتك منظر مذيع ؟؟
هو ابتسم في براءه الطفوله : والله يا رفيقي انا اري ان المشكله تكمن في تخلينا عن اشتراكيه عبد الناصر .
انا : اذا فأنت تري الحل في رجوع الفكر الاشتراكي ؟؟
هو : لا .. انا لا اري , لا اسمع , لا اتكلم .
انا : شكرا ..
وكملت وقابلت راجل لابس جلباب من النوع القصير قليلا وله وجه وقور ولحيه
انا : ممكن اسالك سؤال يا عم الشيخ .
هو: اتفضل يا ابني
انا : ايه رايك في مشكله الجاز ؟؟
هو : المشكله في البعد عن الله وعدم اتقاءه مما يوجب علينا اللعنات
انا : طيب حضرتك بتشوف حل معين للمشكله ؟؟
هو : لا ليس لدي حلول لانه ليس لدي معلومات كافيه عنه .
انا : اذا لماذا حددت المشكله وليس لديك معلومات يا عم الشيخ
هو : انصرف يا بني ورايا صلاه
انا : شكرا
وكملت مشي دخلت كافيه لقيت واحده فاتحه الفيس بوك وبتقرا خبر عن المشكله بتاعتنا قولت بس دي اللي هتجيب المفيد
انا : ممكن اسال حضرتك سؤال ؟
هي : ربنا يشفي ..
انا : اييييه اييه اللي ربنا يشفي دا برنامج محترم
هي : اتفضل اسال
انا : ايه رايك في مشكله الجاز ؟؟
هي :معرفش كتير عن المشكله بس..
انا : اوك تما..
هي: بس طبعا دا ميمنعش اني اقول رأيي ؟
انا : اتفضلي .
هي :معلش ممكن السؤال تاني ؟؟
انا : همم رايك في مشكله ال ج ا ز ؟؟
هي بابتسامه بارده جدا (( نو كومنت ))
انا : شكرا .. (انا في بالي : نعم ياختي نو كومنت طيب )
ايه بس يا ربي اللي دخلني الكليه دي وشغلني الشغلانه دي
علي العموم اقفل البرنامج وافضالك المهم كنتم مع برنامجكم المفضل
انا خلاص خلصت اقراصي .. والصداع هيفرتك راسي
المهم وصلنا اخر المقال وجه معاد السؤال :
يا ترا الراجل اللي مش فاكر اسمه يبقي مين لو عرفت الاجابه متبعتهاش ولا تتصل علي اي ارقام ومفيش ولا جوايز ولا كلام فاضي .... ببساطه لان الاجابه هي ....العبد لله.
لـ حامد عمر
تسلم الأيادي يا حامد (^___^)
ردحذفالله يسلمك من كل شر
ردحذف